МОСКОВСКӦЙ КАД СЕРТИТэ думыштлы: кодзулӧсь ывлаӧ петан, И нинӧм кӧть сэтшӧмыс, гашкӧ, оз ло, — А нэмыслысь босьтас нин важ эстафета Выль шудӧн да радлунӧн матыстчысь во. Кремлёвскӧй курантъясыс кучкасны помся Важ волысь прӧщайтчигмоз медбӧръя час, Бур воляа йӧз ыджыд мулӧн быд помсянь Москва серти пасъясны олӧмлысь кад. А кадыс оз катовтчы пӧльзаӧн сылы, Код кӧсйысьӧ кисьтны народъяслысь вир. Став вражескӧй базаяс — матыс и ылыс — Оз венны твердыня народъяслысь — Мир. Оз лёклун, а шуд мортлӧн сьӧлӧмын ӧзйӧ, Кор тӧдмалӧ сійӧ став олӧмлысь смысл: Мед ещӧ на тыраджык шобділӧн розйыс, И сьӧд суховей сійӧс сотны оз лысьт; Мед лаваӧн лэччас металлыс мартенысь, А керкаӧ радлуныс ачыс оз тӧр, И мортлы жӧ гаж вылӧ кыпӧдчас стенӧн Веж юръяснас ӧтлаӧ сывъясьӧм вӧр. Выль во — коммунизмланьӧ ыджыд выль воськов, Бур уджлӧн да думъяслӧн радостнӧй во, И олӧмлысь мич, и энергия восьтіс Выль славалань мунысь сӧветскӧй народ. Тэ думыштлы: кодзулӧсь ывлаӧ петан, И нинӧм кӧть сэтшӧмыс быттьӧ оз ло, Но аскилань воськовтас быдса планета, Выль кадъяслань матыстас прӧйдитӧм во!
