ӦШИНЬ ДОРЫН

Мекӧд ӧшинь дорӧ пуксис гожся вой.
Пельпом вылӧ пуктіс ассьыс мелі ки.
Вайис сійӧ тэныд удж бӧрын спокой
Эжва керӧс йылын, менам чужан сикт.

Ӧтнас вашкӧ тӧвру, оз тӧд некор мудз,
Сьӧд синмакӧд орччӧн ытшкис кӧть став видз.
Гудӧк шыӧй менам ныв дінӧдз оз судз
Пӧсь сьӧлӧмысь сылы передайтны висьт.

Мыйла жӧ мем торкны войлысь ыджыд шуд?
Медым муса нылӧс кутіс сылӧн сыв...
Томлун ачыс тӧдӧ, сьыланкыв оз чуж,
Оз кӧ ассьыс радлун кӧнкӧ матысь кыв.