* * *

Ылі пармаын эм полустанок,
Ыджыд туй вылын кыптӧма сійӧ.
Сиктса зонъясысь торйӧдчис Таня,
Кыскис сьӧлӧмыс войвылӧ сійӧс.

	Шуис налы Таня:
	— Семафорыс восьса,
	Туйыс абу занят,
	Волӧй милань гӧстьӧн!

Водзӧ кутӧны туй паровозъяс,
Полустаноклань гартӧмӧн сынӧд.
Сӧмын Таня оз тӧд, кыдзи зонъяс
Ӧти туй вылын лоины сыкӧд.

	Машинистлы Таня
	Ӧвтӧ чышъянторйӧн:
	— Туйыс абу занят,
	Восьса семафорыс!

Машинистлы кӧть туйыс и ылӧ,
Уна расъяс да вӧр-ваяс вомӧн,
Но кор аддзас сьӧд синъяса нылӧс,
Кольӧ сы дінӧ сьӧлӧмыс зонлӧн.

	Шутка кылӧн Таня
	Вочавидзӧ важмоз:
	— Туйыс абу занят,
	Сьӧлӧмӧй — неважнӧ!

Сӧмын лӧнь рытъяс тӧдӧны ставсӧ,
Кыдзи муслуныс том нылӧс корӧ
Паськыд туй вылӧ, кӧні составъяс
Водзӧ тӧвзьӧны стрелкаяс дорӧд.

	Ой тэ, Таня, Таня,
	Сиктса муса нылӧй,
	Коді тэӧн занят, —
	Шудлун уси сылы!