МУСЛУН СОТӦ ЗОНЛЫСЬ СЬӦЛӦМ

Муслун сотӧ зонлысь сьӧлӧм,
Некӧн абу места...
Гӧгӧрвоана, мый колӧ
Том зонлы невеста.
Кытысь корсьны ӧні сійӧс, —
Шуны абу кокни.
Ягӧ, гашкӧ, муніс сійӧ
Да оз думайт локны?
— Абу ягын, — вочавидзӧ
Зонлы тувсов тӧлыс.
— Вӧлі ягын... Юыс визув, —
Кывтіс пурйӧн тӧрыт.
Гашкӧ, запань дорын кылӧ
Ӧні мелі сёрни...
— Абу сэні, — вочавидзӧ
Зонлы юыс: — Сёрмин;
Воліс татчӧ, — кывтіс водзӧ
Первойя буксирӧн.
Коді тӧдӧ, кутшӧм кодзув
Шудлун сылы сиӧ.
Эжва эзысь гыяс каттьӧ
Джуджыд берег дорӧ.
Кодлы шуӧ сійӧ аттьӧ
Аслас мелі горӧн?
Ыджыд шудлун тэныд, зонмӧй,
Усис доля вылӧ.
Татшӧм нылыслы став донсӧ
Он аддзы му вылын!