ПӦПУТЧИК

Видзьяс вылӧ куртны мӧді сӧмын ме,
Мунігкості киӧс кодкӧ кутіс сэк:
Мыйся, шуа, кодлӧн кабыр татшӧм ён? —
Видзӧда да, — орччӧн кыввора том зон.
— Ме пӧпутчик тэныд, шуӧ, мича ныв...
Ачыс пельпом вылӧ нюжӧдӧ нин сыв.
Кытчӧ вӧтлан мортӧс, — туйыс паськыд зэв...
— Сӧмын аслад килы вӧля тэ эн сет:
Абу ылын, аддзан, миян паськыд видз,
Зонмӧй, ассьыд вынтӧ, шуа сылы, видз...
Лунтыр менам сьӧлӧм вӧлі биа-пӧсь,
Лысваыс кодь мӧвпӧй лои аслам сӧдз.
Гортланьӧ бӧр локтіг виччыси ме дыр,
Оз-ӧ кодкӧ нюжӧд мелань ассьыс сыв.
Асъя том пӧпутчик — оз ӧд мешайт мем,
Варовитӧ сійӧ мыйта колӧ мед!