ЯГСА МУЗЫКА

Шонді рытывлань
Увлань катовтчӧ;
Тӧвся рытыд тай
Ӧдйӧ матыстчӧ.
Рытын чукӧртчӧ
Барак дорӧ йӧз.
Барак ӧдзӧс дзир
Дзуртӧ гораа.
Найӧ локтӧны
Пила-чераӧсь.
Еджыд сукмана
Барак дорын коз.
Коз пу увъяснас
Мыйкӧ вашкӧдчӧ,
Сыкӧд кӧдзыд яг
Сьылӧ-гажӧдчӧ.
Бушков пӧльыштіс,
Свистӧн горӧдіс...
Войбыд тӧвкӧд вӧр
Ворсіс хоровод.
Ворс тэ гудӧкнад,
Войвыв ывлавыв!
Паськӧд ёнджыка
Гудӧк мехъястӧ,
Бушков сорӧн лым
Медым йӧктасны.
.…..…..……..…….….
Кылӧ парма вӧр
Гажа музыка.

Мунӧ ыджыд зык
Пила-черъясӧн.
Сэні план вӧсна
Быдӧн вермасьӧ.