КЫЛӦДЧЫСЬЯСЛЫЭжва, Эжва, Кывтан лӧня — шы оз кыв, Пур кылӧдысь, Веж вай ассьыд сьыланкыв. Мед жӧ гажӧн Тырӧ ставыс — вӧр и му, Ыркыд сынӧд, Рытъя ывла, яг и ю. Вӧр кылӧдысь, Миян тэкӧд ӧти мог. Сьӧлӧм бердын Тэкӧд миян ӧти шог. Босьтлы, нюжӧд Гудӧк бӧрся сьыланкыв — Збой удж шыӧн Кыдзи тыри му шар выв. Кыдзи тэнад Выльмис важся оланін, Сійӧс венӧ Колхоз мулӧн ыджыд вын. Косьын перйӧм Сьыланкывтӧ сьывны босьт: Керъяс миян Гулыдӧсь и багыр ёсь. Гажаджыка Сьылӧй, пӧрысьяс и том, Ӧд ударнӧй Уджлы некӧн абу пом. Ӧтув пуӧ Миян сьӧлӧмъясын вир, — Лача кутӧ Став уджалысьяслӧн мир. Татшӧм вынӧн Ӧні овны абу дыш. Югыд биӧн Яра ломзьӧ морӧс пытш. Со мый вӧсна Тіян сиа тайӧ кыв: Том студентлысь Сьӧлӧм бердса сьыланкыв.
