БАКАНЩИК

Кор Печораын пуксьӧ рыт,
Берег сьӧдасьӧ пемыд рантӧн,
Пелыс босьтӧмӧн, йӧткӧ пыж
Лӧз просторланьӧ дзор баканщик.
Сяльгӧ пыж дорын шоныд ва
Да хрустальнӧй узоръясӧн водӧ.
Дзор баканщик тась быд перекат
Аслас чуньясысь бурджыка тӧдӧ.
Сійӧ тэрмасьӧ кытчӧкӧ пыр,
Прӧста лолыштны оз и эштыв:
Зарни биясысь кыа пестӧ
Паськыд юыслы морӧстыр.
Чӧвлун вошӧма важӧн тан,
Ставыс дзуртӧ, и сьылӧ, и типкӧ...
Мый тэд лоис друг сэтшӧм нимкодь,
Устӧм чужӧма капитан?
Лӧнь причал дорысь босьтан груз,
Бара войыслӧн пемыдӧ сунан...
Медся донатор сьӧрсьыд нуан —
Дзор баканщиккӧд том союз.