МЕДВОДДЗА КОМИ ПОЭТ И. КУРАТОВЛЫ

Кыдз асъя кыа нюжӧдӧ пӧсь ки,
Кыдз шонді югӧр небесасӧ кырӧ,
Рӧднӧй поэзиялӧн кывлытӧм на мич
Веж помтӧм пармаӧ чудеснӧй стихӧн пырис.

Эз вӧв сэн шог, кӧть шогсӧ чужтіс кад,
Сэн вӧлі серам, лёклун вылын серам!
Поэтлӧн чувствуйтіс да тӧдмаліс душа
Став коми йӧз страданиелысь мера.

И асъя кыа вӧтлӧ кыдзи вой
Да шонді югӧр кымӧръяссӧ кырӧ, —
Народлы висьталіс прекраснӧй лира кылӧн
Суровӧй кадӧ чужӧм вдохновеннӧй морт.