МАШИНИСТЛӦН СЬЫЛАНКЫВ

Кӧн вӧліс коркӧ кыйсян чом
Да шувгис помтӧм яг,
Лӧнь рытӧ сьӧкыд эшелон
Ньӧв ӧдӧн тӧвзис тат.

Ой, тӧвзис, тӧвзис паровоз,
Став вӧрсӧ вевттис тшын,
И ылі рейсӧ коллигмоз
Мен кисӧ сетіс ныв.

И тайӧс висьтавны ог тӧд,
Мый лои сійӧ здук:
Кыдз быттьӧ морӧс пытшкын мӧд
Пӧсь топка ӧзйис друг.

Вай тӧвзьы, поезд! Шуда туй
Мен тэкӧд сиӧ ныв.
И машинистлысь чужан му
Мед кывзӧ сьыланкыв.