ТОМЛУН

Тӧвруыскӧд вашкӧдчис веж бадь,
Мойдіс мыйкӧ кузьӧс сылӧн кор.
Нывлысь тайӧ рытӧ чужӧмбан
Первойысь дзик окаліс том зон.

Збойлун зонлӧн лишнӧйыс эз вӧв,
Нинӧмӧн эз лэчыдав, эз ышмы.
Шоныд рытӧ котралігмоз тӧв
Кипӧлӧдыс сійӧс сьӧрсьыс кыскис.

Зонлы муса сьӧд синкыма ныв,
Ставыс сылы талун помтӧг муса...
Радейтчӧмлысь мелі сёрни шы
Войыс кужӧ видзны йӧзысь гусьӧн.

Муслунлы оз вермы лоны суд:
Вуджим коркӧ асьным шуда кадсӧ!
Радейтны кӧ кужан, нэм чӧж ну
Сьӧлӧм пытшкад тайӧ югыд радлун.