ЛОЛА

Кӧн Ухта нуӧ ассьыс сӧстӧм ва,
Сук, паськыд расӧд мунны ӧтнад полан,
Крут берег вылӧ, кыдз сфинкс, кыдз истукан
Ён кокъяс вылын сувтіс вына лола.

Ме тӧда сійӧс. Тайӧ — войвыв царь:
Сӧдз асъя лысва ӧшйис сылӧн сюрын.
Ой, кымын нюр и кымын паськыд гар
Вына кокнад вевъялін нин вуджны?

Со, кывзӧ лола вӧрлысь лӧньӧм шум,
Пӧсь шонді вылын лапйӧдлӧ рам синъяс:
Тэ видзӧд мичлунсӧ! Эн повзьӧд мирлысь шуд,
И пищаль вылысь вешты падмӧм китӧ.