* * *

Быдӧн шуӧны, ме пӧ збой,
Киын артмӧ пӧ быд удж...
Вермас лоны.
			Нинӧмтор
Талы паныд ме ог жӧ шу.

Менам сьӧлӧмын ворсӧ вир,
Шуда олӧмлӧн судзтӧм от.
Коркӧ верман мӧй овны сідз,
Киыд оз ӧмӧй уджсӧ кор?

Пета асылын. Сувтӧ лун.
Муыс дзоридзӧн тырӧ став.
Киын мускуллӧн, сӧнлӧн вын
Зэвтчӧ чорыда, кыдз струна.

Кӧть эн корсь — ачыс локтӧ удж.
Мӧвпӧй сідзикӧн весь оз ов.
Тайӧ асыв оз волы мудз,
Вӧча, дивуйтчӧ мед звено.

Локтан бӧрын да аддзан, дерт,
Дӧрӧм воротӧй лоӧ пась...
Паськыд ыб вылын гӧрны тэд
Лоӧ море кодь площадь дась.

Быдӧн шуӧны ме пӧ збой,
Некӧн уджысь пӧ абу страк.
Аддза ачым ме: вына сой
Водӧ зыр вылӧ, кыдз струна.