ДРУЖБА

	Медбур дружба чужӧ сӧмын бойын.
	Чорыд дружба... Сійӧ венӧ смерть.
	Кутліс кӧ оружье тэнад сойыд,
	Тӧдан ставсӧ казьтывлытӧг, дерт.

Му блиндажын миян абу гажтӧм:
Чорыд дружба нинӧмтор оз дзуг.
Тӧждысян пыр, медым пуля враглӧн
Тэнсьыд ёрттӧ оз жӧ кусыньт друг.

	Тайӧ дружба оз вун некор нэмын.
	Сьӧлӧмсянь пыр лоӧ ёна жаль...
	Вӧвлӧм друглы
	Паськыд пызан шӧрын
	Нэм чӧж лоӧ медыджыд бокал.