ЛЫМ

Ывлаыс еджыд,
Ывлаыс югыд,
Усьӧма небыдик лым.
Небыдик, гӧн кодь,
Кокньыдик, тӧв кодь.
Тӧкӧтьӧ му бердас инмӧ.
Си пожйӧн мамӧ
Октябр лун кежлӧ
Шердынӧ пожнавлӧ пызь.
Гырысьджык праздникӧ
Сьӧд пызан тупкывлӧ
Бур пызандӧраӧн — 
Еджыдӧн...
Раминик байдӧгъяс
Лэбзисны
Енэжсянь муӧ...
Ывлаас праздник,
Югдӧма, кыпыд.
Му вылыс ойбыртіс,
Онмовсис, лӧнис.
Узьӧ.
Шойччӧ.
Эшкыныс небыд,
Эшкыныс шоныд...
Шойччышт тшӧтш, коми йӧз!
Кер лэдзны ковмас,
Толаӧд собавны;
Ур кыйны,
Лямпаӧн лэбавны!