ЮГЫД БИЗаводтӧ эз вӧчны весь, — Колян воӧ лоис. „Нырагезъяс“ кузя сэсь Керкаӧдз би воис. Дивуйтчӧны сиктса йӧз: Югыд жӧ пӧ тайӧ. Оз на-д корны сэтчӧ мӧс, — Судзӧдамӧ вайӧ. Лампа дорсьыд век жӧ бур, Кӧть и ачыс ичӧт. Татшӧм биыд мӧд оз сюр, Микайлӧ дядь, сідз ӧд? Дерт жӧ сідзи, ичӧт ёрт, — Тайӧ биыс югыд; Тайӧ биыс первой сорт, — Важ моз абу букыд. Сійӧн со и тайӧ би Керкаясӧ пырӧ. Регыд сиктын, ичӧт пи, Лампаа би бырӧ.
