* * *

«Ордымӧй», «Ордымӧй»,
Кысь бара чужин тэ,
Яг шӧрӧ восьса туй,
Кысь бара петін тэ?
Комилысь олӧмсӧ
Пальӧдны кӧсъян тэ,
Югыдін индыны
Коми йӧз чукӧрлы.
«Ордымыд» садьмӧдас,
Пальӧдас ставнымӧс,
Вӧр пытшкысь сиктъясӧс
Узьӧмысь садьмӧдас.
Яг шӧрӧд восьтісны
Комилы ордымсӧ,
Ассьыныс олӧмсӧ
Пальӧдны пондісны.
Бур сиа «Ордымлы»,
Яг шӧрӧ петысьлы,
Коми йӧз чукӧрӧс
Югдӧдысь гижӧдлы.