СЕЛЬКОРЛӦН УДЖ

Письмӧ ыста «Югыд туйӧ»,
Кора сы пыр унатор, — 
Озыр гӧльӧс пикӧ сюйӧ,
Колӧ сувтны гӧль йӧз дор.
Менам пищаль — лэчыд перӧ,
Менам пуля — юӧр-висьт.
Киӧй гижӧ, пелька вӧрӧ,
Зіля тыртӧ еджыд лист.
Ёна гижӧмӧн оз ныжмы,
Сӧмын лэчмӧ перӧ йыв;
Том ки гижӧмӧн оз дышмы! — 
Со селькорлӧн кутшӧм кыв.
Тэ, селькор, некор эн дугды,
Закон кузя ставсӧ вӧч:
Нелючкияс медым югдӧ,
Газетъясӧ ставсӧ лэдз.
Миян сиктса озыр Мишӧ
Пуӧ быд лун самӧкур.
Газетӧ ме сійӧс гижи, — 
Сюри Мишлӧн «дона» юр.
Пошта вылӧ письмӧ нуа — 
Пошта ӧдйӧ письмӧ ну!
Поштальонлы сэки шуа:
«Тайӧ письмӧ тэ эн гу».
Исполкомын, Ленин пыдди,
Ыджыд тошка пӧрысь ен.
Сэки газетысь ме лыдди:
«Енлы абу места сэн».
Нӧйтны кыйӧдісны менӧ
Поп, урадник ...Вылын зор:
«Дзик пӧ татчӧ виам тэнӧ...»
Сэки мездіс прокурор.