ТОМ УДЖАЛЫСЬ ЙӦЗ

Вай тувччӧй водзӧ, ёртъяс,
Гӧрд югыд кыалань:
Пӧсь сьӧлӧма том мортъяс,
Туй восьтӧ югыдлань.
Мед сьӧлӧмъясныд вӧлі кӧрт,
Мед плагным ӧзйӧ би кодь гӧрд,
Том тільсьыс-пессьысь войтырлӧн,
Сьӧд уджӧн олысьлӧн.
Ми асьным ставсӧ тӧдлім,
Ми тӧдлім сьӧкыд удж:
Сэк кынӧм муртса пӧтліс,
Эз вӧвлы шойччӧм сутш.
Эг тӧдлӧй гажа челядьдыр,
Няйт пытшкын луасим ми пыр,
Том тільсьысь-пессьысь войтыръяс,
Сьӧд уджӧн олысьяс.
Кер пӧрӧдім, мыр бертім...
Пӧсь киссис кӧшысь моз.
Ас пӧсьӧн сэки вердім
Ад горша кырныш поз.
Но ёнмис ки-кок, эз ло кын,
И сьӧкыд уджла соді вын
Том тільсьысь-пессьысь войтырлӧн,
Сьӧд уджӧн олысьлӧн.
Ми гӧрд плаг лэптам вылӧ,
Мед ломдзӧ би кодь дон...
Ті ӧтувтчан шы кылӧй,
Том войтыр — ныв и зон.
Мед удж медыджыд лоас век,
Став йӧзыс ӧтлаасяс мед — 
Пет тышкӧ, тільсьысь-пессьысь йӧз,
Сьӧд уджӧн олысьяс.