КЫДЗИ КОЛӦ ЧАНЬЯС БЫДТЫНЫ

Велӧдчӧма йӧз со кыдзи велӧдӧны чаньястӧ быдтыны:

1. Медводз выль чужысь чаньлысь гӧгсӧ, сустав юкалӧмысь, колӧ мавтны йодӧн либӧ дьӧгӧдьӧн. Вундыны гӧг оз тшӧктыны.

2. Нёньпом чаньясӧс куимсянь квайт вежонӧдз колӧ ньӧжйӧник велӧдны турун да зӧр сёйыштны, колӧ вердны ичӧтикаӧн, медбур, небыд турунӧн да нырӧм, дрӧбитӧм зӧрйӧн. Зӧрсӧ ӧти пунтысь унджык лун кежлӧ оз ков сетны. Зӧрсӧ сёйны велӧдӧм мысти колӧ пондыны вердны дзонь зорйӧн дрӧбиттӧг.

3. Сизим вежонсянь, мам дінысь торйӧдӧм бӧрын, чаньлы зӧрсӧ колӧ ньӧжйӧникӧн пыр содтавны 2½ пунтӧдз лун кежлӧ.

4. Чаньсӧ мам дінсьыс торйӧдны медбур кад 5 либӧ 6 тӧлысь мысти, — кор гӧныс пондас вежсьыны. Мед мам дінысь торйӧдӧм чаньыд регыдджык вунӧдас мам йӧвсӧ, сійӧ оланінӧ пуктӧны сӧстӧм ва тыра доз.

5. Ва юны велӧдӧм мысти дозсӧ идралӧны. Сэсся чаньӧс юкталӧны ведраысь лун кежлӧ нёльысь. Юктавны колӧ сёйӧм водзвылын.

6. Чаньясӧс торйӧдӧм мыстиыс колӧ бура весавны. Сідзи найӧ бурджыка, дзоньвидзаджыка быдмӧны. Весавны колӧ гартӧм идзасӧн либӧ тшӧткаӧн.

7. Ӧти арӧсӧдз торйӧдӧмсянь чаньяслы кӧрымсӧ колӧ пыр содтыштавны: зӧр 4½ пунтӧдз лун кежлӧ, бур турун — 6–8 пунтӧдз.

8. Мыйӧнкӧ кӧ чаньыд висьмас, колӧ регыдджыка мунны скӧт бурдӧдысь врач дінӧ либӧ пельшӧр дінӧ; оз ков эновтчыны бурдӧдӧмысь.

Н. Ч.