НАЛЬК

(Карса сьыланкыв, абу кӧ “бӧрданкыв”)

Сыктывкарын моски бур –
Оз ков нальк!..
Мунны кутан – кокыд гур, –
Быдлад кальк.
Моски помӧ пуктан кок –
Пыдӧ дзирк!
Тэнад сэки – сё ей-бог –
Сьӧлӧм тірк!..
Шӧрас паськыд, гырысь розь,
Быттьӧ йир;
Повтӧг тувччыны оз позь,
Вӧян пыр...
Рытын ветлыны он лысьт –
Чегӧ кок.
Кыті ветлан? Зэрӧм мысьт
Туйяс лёк...
Кодкӧ справитчас-ӧ оз?
Ог ме чайт...
Сыктывкарын моски-пос
Веськыд нальк.