СТРАДНА КАД

Бара мӧдлапӧлыс шызис —
Сэні тракторъяс да йӧз.
Талун шонді тыра виддзыс
Паськыд море кодь жӧ лӧз.
Мыла горыс гожся уджлӧн
Ылӧдз паськӧдӧма сыв.
Оз тӧд чӧв усьлӧм ни мудзлӧм,
Быттьӧ нывлӧн сьыланкыв.
Кутшӧм лӧсьыд гожся эрдыс —
Лыдтӧм-тшӧттӧм турун юр.
Кутшӧм мича джуджыд сьӧртыс —
Уна зорӧд бурсьыс-бур.
Гажыс мӧдлапӧлын олӧ:
Сійӧ дзоридзьясӧн тыр.
Сэтчӧ уджалыштны волӧм
Сьӧлӧм нимкодьӧдас дыр.