ОКТЯБРЛӦН КЫАОктябрыслӧн кыаыс Куслытӧм биӧн Тан ыпъялӧ, Олысьӧс ышӧдігтыр. И Ленинлӧн индӧдъяс Сьӧлӧмъяс пиын Нэм бырлытӧм кыпыдлун Ӧзтӧны пыр. Октябрыслӧн кыаыс Ышӧдӧ йӧзӧс Став вынйӧрӧн дорйыны Мувывса мир, Мед шоглӧн и висьӧмлӧн Орласяс везйыс, И некор оз киссьывлы Войтырлӧн вир. Октябрыслӧн кыаыс Туй весьтын ӧзйӧ И пӧсьӧдӧ Йӧзкостса дружбалысь лов, Став олӧмсӧ пыдісянь Выльмӧдны вӧзйӧ. И уджалысь морт Сыысь бокын оз ов. Октябрыслӧн кыаыс Ловзьӧдӧ лунъяс, Кор ӧзйис Победалӧн Куслытӧм би, Кор кӧдзаӧн садьмисны Небзьӧдӧм муяс, Да азыма кутчысис Удж бердӧ ки. Октябрыслӧн кыаыс Гажын и уджын, И БАМ вывса рельсъяслысь Мичмӧдӧ визь, Космическӧй рейсъяслысь Пасъялӧ чужӧм Да талунъя олӧмлысь Гижӧ бур висьт. Октябрыслӧн кыаыс — Муртавтӧм вевт ув, Кӧн сӧвмӧ став войтырлӧн Вӧвлытӧм шуд, Кӧн партия олӧ Став йӧзыскӧд ӧтув, Кӧн вынйӧрлӧн содӧмыс Некор оз сувт.
