ПАРТИЙНӦЙ СЪЕЗД

Партийнӧй съезд быд коммунистлӧн,
Быд ловъя мортлӧн — ыджыд лун.
Пӧсь шуӧм сылӧн ылӧдз письтӧ —
Пыр кылан, кытчӧ кӧть эн мун.
Став мирлы гӧгӧрвоан сёрни
Пыр ӧтмоз кыптывлывлӧ сэн,
Кыдз эськӧ бурджык олӧм дорны,
Кыдз нуны шудлун вӧсна вен.
Ас делегатлы ассьым сьӧлӧм
Ме пыр жӧ ставнас сетны дась,
Мед войвыв му эз шуны чӧлӧн,
Да лымсӧ лун тӧв сывдіс тась.
И локтан съезд, кыдз вӧвлӧм съездъяс,
Став вынсьыс дорас му выв мир,
Мед йӧз кост дружба ёнджык ӧзъяс,
Оз ковмы тышын кисьтны вир.
Партийнӧй съезд да олӧм йӧзлӧн,
Кыдз ӧтик юлӧн мунанін,
Туй индысь бакенъяслӧн ӧзйӧм,
Ми тӧдам, некор оз нин чин.
Кӧть вой, кӧть лун, странаным миян
Фарватер вылын лоас пыр;
Быд съездлӧн шуӧмъясыс сійӧн
Став йӧзлӧн кӧсйӧмъясӧн тыр.