ПИСЬМӦДона ёртӧй, висьтав мен, Эз-ӧ вӧтыс менӧ вен, Эз-ӧ падмӧд менсьым юр Татчӧс быгъя чӧскыд сур? Тані дӧрӧм-гач оз ков, Шонтӧ шондіыслӧн лов, Гӧра бокыс быттьӧ пач... Лӧсьыд жӧ нин овны тадз! Мыйта колӧ, мыштӧ пӧж, Запты пельклун, вынтӧ чӧж. Море куйлӧ, узьӧ чӧв, Купайтчы кӧть пыжӧ сӧв. Туйяс пӧлӧн дзоридзьяс — Долыд олӧм дорысьяс. Турун паськыд боръясын Пелыс пасьта коръяса. Черӧн быттьӧ кералӧ Енэжсӧ ёсь гӧраӧн... Пуяс вылӧ чатӧртчан, Усьны весиг катовтчан. Керка — изъя, мрамора, Паськыд ӧшинь рамаа... Гажа жӧ нин войтырлы — Шойччысь-олысь котырлы. Весиг уджавны оз ков — Ю да сёй, мый лэптӧ лов! Ковмас мусук — мусук эм; Мелі — весиг сылас вем! Радейтчыны абу грек, Радейтчӧмысь кос оз чег. Ола-выла йӧз дорын, Кага абу моздорын. Муса другӧй, висьтав мен, Збыльысь, эм-ӧ абу ен? Татшӧм лӧсьыд олӧмсӧ Сетны вӧлі колӧ жӧ!
