ПЫШКАЙКотӧртас, лэбзьыштас Кокньыда зэв, Весигтӧ недыр Оз пукыштлы чӧв. Олӧмыс пышкайлы, Тӧдӧмысь, дона — Шондісӧ, сынӧдсӧ Радейтӧ ёна. Пышкай кодь тэрыб Да сэтшӧм жӧ сюсь Котралӧ йӧз дорын, Некор оз мудз. Дзоляник детинка. Быдӧнлы муса. Мунас кӧ, лун шӧрыс Быттьӧкӧ кусас. Талун со войтырлӧн Сувтӧма кад, Олӧмлӧн быттьӧкӧ Вошӧма лад: Куйлӧ да чӧв олӧ Пышкай кодь мортыс, Юрыс оз вӧрзьыв, Оз ӧвтчыштны бордъяс. Синъясас зонкалӧн Ӧзйыштлас би, Тӧкӧтьӧ дрӧгмунлас Кок либӧ ки... Докторлӧн сы дорӧ Унаысь волӧм Быдӧнлы мыйлакӧ Ёна зэв колӧ. Колисны лунъяс. И дивуйтчӧ врач: Мыйла нӧ висьысьяс Бурдӧны тадз — Сувтӧны кокйыв Да тувччӧны сюся, Олӧмныс быдӧнлы Важсьыс на муса? Вӧлӧмкӧ, дзоляник Пышкай кодь морт Бара нин паськӧдлӧ Векньыдик борд; Бара нин бырӧма Больнича чӧлыс — Дзольӧдчӧ, шыалӧ Зонкалӧн гӧлӧс.
