ПЕЛЫСЬ

Берег дорӧ ниртчӧ
Паськыд Эжва ю.
Розъя кисӧ мыччӧ
Сылы пелысь пу.
Шуӧ сійӧ юлы:
«Аскӧдыд тшӧтш босьт,
Ылыс паськыд мулысь
Туйяссӧ мен восьт.
Тан ме медся мича,
Тан ме медся бур.
Мыйта кӧть эн видзӧд,
Ме кодьыс оз сюр».
Жальыс петіс юлӧн,
Кырис берег дор.
Немтор пелысь пулы
Воськовтны оз сор.
Эрдын сылӧн вужйыс —
Кыпӧд кок дай мун!
Сӧмын вын оз судзсьы
Венны сьӧкыд ун.
Синсӧ кунис, водіс,
Кывтіс визув бӧр.
Тадзик со и воштіс
Ассьыс нывсӧ вӧр.