ЗАБЕДНӦ

Меным забеднӧ лоис,
Мыйла батьӧй эз лок,
Мыйла кузь сэтшӧм войыс,
Мыйла поводдя лёк.
Меным забеднӧ вӧлі,
Мыйла чӧв оліс мам,
Мыйла баб вывті мелі,
Мыйла чой вывті рам.
Меным забеднӧ ёна,
Мыйла нинӧм ог тӧд,
Мыйла мамлы ме дона,
Мыйла батьӧлы мӧд.
Меным забеднӧ ӧнӧдз,
Мыйла эновтіс бать,
Ме кодь лыӧдз и вемӧдз,
Ме кодь быдлаті нач.
Меным забеднӧ кувтӧдз,
Мыйла сылӧн ме пи,
Мыйла вӧтъясын кутлӧ
Сылысь сьылісӧ ки.