БУР ЛУН

«Бур лун, бур олӧм, дона ёртъяс!» —
Тадз сьылӧ Майыс.
Ӧд локтіс сійӧ тӧдса гортас,
Гаж сьӧрсьыс вайис.
Выль сьыланкывъяс талун гора
Став йӧзыс сьылӧ.
Пӧсь кылӧн Майыс йӧзсӧ корӧ:
«Пет ывла вылӧ!
Пет ывла вылӧ паныд меным,
Сет веськыд китӧ,
Мед ставсӧ югыд гажлун венӧ,
Бур йӧзӧс йитӧ».
«Бур лун, бур олӧм, дона ёртъяс!» —
Тадз сьылӧ Майыс.
Ӧд локтіс сійӧ тӧдса гортас,
Гаж сьӧрсьыс вайис.