ВӦЗЙЫСЬӦМКутшӧм туйясті, кыт Локны ті дорӧ, ликтӧй, Югыд синъяса рыт, Тувсов платтьӧа сиктӧй. Тікӧд коллявны нэм Талун вӧзйыся ачым; Мыйта сьӧлӧмын эм, Сета муслунӧс ассьым. Ыджыд могъясӧн тыр Пӧся лолалысь олӧм. Некор нюжмасьны дыр — Мунны водзӧ пыр колӧ. Гожӧм котӧртӧ сідз — Лолыд сибдытӧдз вӧтчан. И он казявлы, кыдз Зэра аркӧд нин бертчан. Кутшӧм туйясті, кыт Локны ті дорӧ, ликтӧй, Югыд синъяса рыт, Тувсов платтьӧа сиктӧй.
