ПРӦШВИДона аньӧй, прӧшви шӧртысь Кыан, серпасалан мойд. Шӧртсӧ каттян сьӧлӧм бердысь, Каттян помтӧг, а он дойд. Еджыд шӧртад дзугсис ставыс: Кӧдзыд вой и шоныд лун, Тувсов дзоридз, вӧрыс, ваыс... Ӧзйысь серпасыс оз вун. Ӧшлан прӧшви ӧшинь дорад — Мичлун керкаад оз тӧр! Киӧс, кокӧс менсьым доран, Он лэдз гортӧ мунны бӧр. Прӧшви быдлаӧ тэ тэчан — Вевттян, весиг, вольпась выв. Аттьӧ тэд, мый тадзи вӧчан. Месянь вензян шы он кыв.
