ОЛА МУ ВЫЛЫНДжуджыд вӧр сайӧ шонді пырӧма, Югыд тӧлысьыс окыштӧ му, Кодзув чукӧрӧн енэж тырӧма, Шытӧг визувтӧ помасьтӧм ю. Ыркыд сынӧдӧн пола лолыштны, Пола весигтӧ лапнитны син, Медым тӧлысьсӧ мен не повзьӧдны, Кодзув чукӧрыс медым эз чин. Корся енэжлысь джуджыд пыдӧссӧ... Пыр на надейтча — оз мӧй нӧ сюр! Помтӧм помысла, лыдтӧм лыдысла Нинӧм виччысьтӧг бергӧдчӧ юр. Лэба муыскӧд, лэба шондікӧд — Менӧ корӧ галактика шӧр. Ола му вылын сьӧлӧм шонтыськӧд, Радлун морӧсӧ весиг оз тӧр.
