АТТЬӦ

Р. Сметаниналы, Н. Бажуковлы.

Кӧть ме и некодкӧд эг ордйысь,
И морт эз казьтыв менсьым ов,
Тшӧтш быттьӧ радлуныслӧн бордйыс
Зэв вылӧдз лэптӧ менсьым лов.
Кор Коля зонмӧс, Рая нылӧс
Бур кылӧн казьтіс му выв йӧз,
Сэк гартіс менсьым сьӧлӧм вылӧс
Пӧсь шонді шӧртысь вӧчӧм гез.
Ме быттьӧ томъяс дорын ачым —
Оз суӧд менӧ бушков тӧв.
И выль ног олӧмӧс ме аддза.
Бур аттьӧ налы уна пӧв!