ВОШИ ГОРТӦ МУНАН ТУЙЫС

Дзоридз тыра киӧн тулыс
Ӧвтчӧ тані рытывбыд.
Воши гортӧ мунан туйыс,
Воши колльӧдчӧмлӧн лыд.

Тулыс, тулыс, мый тэ вӧчан,
Мыйла нинӧмысь он пов?
Мыйла вӧля вылӧ лэдзан
Вывті ышмӧдӧм любов?

Сійӧ талун ворсӧ микӧд,
Весиг мӧвпыштны оз сет.
Гашкӧ, дзикӧдз воштас пикӧ,
Оз кӧ дорйысьысь мен шед.

Тулыс, жалитышт том нылӧс,
Веськӧд гортӧ мунан туй.
Сӧмын радейтчӧм эн ылӧст —
Сытӧг овнысӧ оз туй.