ЛОКТІ БӦР

Поезд котӧртіс, поезд саяліс, сиктыс сулаліс — шы ни тӧв.
Синмӧй кӧтасис, синмӧй яналіс — дыр ме татӧні эг нин вӧв.
Керка гӧгӧрным коркӧ садитлім муса нывкӧд ми уна пу.
Ӧта-мӧднымӧс ёна радейтлім, кӧсйим мичмӧдны чужан му.
Сад йӧр чужӧма, сад йӧр быдмӧма. Абу сад йӧр нин — быдса вӧр.
Менам радейтӧм абу бырӧма. Муса сьӧлӧмшӧр, локті бӧр!
Петав, мусаӧй, мекӧд пукыштам! Сӧмын, тыдалӧ, морт оз пет:
Ӧдзӧс сиптыса, ӧдзӧс крукыштӧм — олӧ татӧні кодкӧ мӧд.