РАДЕЙТӦМ

Перӧ пыдди — ловъя лолӧй, кывъяс пыдди — сьӧлӧм висьӧм.
Тэкӧд орччӧн — шудӧй олӧ, тэтӧг — уджыс киысь киссьӧ.
Гезтӧм гезйӧн менӧ домин, лун шӧр лунӧ вӧчин синтӧг.
Кӧртысь асык морӧс вомӧн пуктін меным ловъя шытӧг.
Кӧсъя туйӧ петны-мунны — туйыс помассьӧма, пӧдса.
Кӧсъя вунӧдчыны унмын — аддза тэнсьыд войся вӧттӧ.
Пана тӧдсаяскӧд сёрни — тэнад нимыд песӧ кылӧс.
Сӧмын эновтчыны сёр нин, шуа; «Радейта ме нылӧс.
Сылӧн сьылӧм — помтӧм вӧр-ва; сылӧн синмыс — асъя кыа.
Сылӧн вом дор — ӧмидз кӧра; сылӧн юрси — Эжва гыяс».