* * *

Кымӧр тывйӧ веськалӧма шонді.
Везъяссьӧма муӧдз зэрлӧн шӧрт.
Верми кӧ ме, джуджыд енэж дзоньті,
арыс медым синваӧн эз бӧрд.

Верми кӧ ме, югыд шонді мезді,
кымӧръяссӧ дзикӧдз вӧтлі тась —
Бур поводдя лӧсьӧдавны йӧзлы
лун и вой ме вӧлі эськӧ дась.

Ывла вылӧ петі, бипур песті.
Мӧдтор вӧчны вын ни сям эз шед.
Гудыр кымӧр ӧшӧдчис ме весьтӧ,
бипур дорын пукавны эз сет.

Серам могысь тӧв ныр ворсӧ мекӧд,
чышкӧ мелань ёг да кыдз пу кор.
Кӧть и арын овны абу сьӧкыд —
сьӧлӧм сӧмын сувтӧ тулыс дор.