ЗАРНИ ПАС

Пыкӧмаӧсь енэж — джуджыд гӧраяс,
мореяслӧн абу — пом ни дор.
Кӧдза муяс — мича сера дӧраяс.
Сынӧд суктӧ — гажа уджлӧн гор.

Ставыс тайӧ миян, ставыс асланым —
паськыд му и гыа море выв.
Олӧм туй визь ӧти ногӧн пасъялам,
кӧть и абу ставлӧн ӧткодь кыв.

Радейтігтыр бурдӧдалам сьӧлӧмъяс,
дӧзьӧритам кагаяслысь лов;
юклам йӧзлы ӧтмоз шудлысь шӧрӧмъяс.
Увтыртӧмысь ловъя морт оз пов.

Кутшӧм колӧ паськӧм, талун пасьталам,
Кытчӧ колӧ, мунам — туйыс ас.
Медся ыджыд озырлунӧн арталам
йӧз кост дружба вылӧ зарни пас.