НИМЛУН

Став йӧзлы ӧткодь ыджыд гажа нимлун —
Сӧветскӧй власьтлӧн арся чужан лун.
И сьыланкывным миян юргӧ гимнӧн —
бур праздник тайӧ некор дзик оз вун.

Яръюгыд кыа ӧзйӧ му шар вылын,
и регыд воас шонді петан кад.
Странаын миян кылӧ лов шы сылӧн,
да дзоридзалӧ коммунизмлӧн сад.

Народ-садовник быдтор вӧчны кужӧ:
ас киӧ босьтӧ атом пытшкысь вын;
ракета сылӧн космос вомӧн вуджӧ
и сьӧрсьыс нуӧ мирнӧй уджлысь тшын.

Войналы паныд сувтам талун повтӧг,
выль спутникъясӧн гижам: «Мирлы — мир!»
Мед мирнӧй олӧмыслӧн нэмыс лоас помтӧм,
мед некор оз нин киссьыв мортлӧн вир.

Правительство и партия народкӧд
пыр ӧтик туйын — быттьӧ куим вок.
А вок кӧ воклысь вынсӧ-сямсӧ содтӧ —
сэк налӧн могмас, кутшӧм колӧ, мог.