* * *

Кӧдзыд тӧлыс ыджыд еджыд пася.
Сійӧ некор шойччыштны оз кӧсйы.
Мыйӧн воас полюс дорсянь татчӧ,
Пыр жӧ асьсӧ удж вылӧ нин вӧзйӧ.

Сӧмын чӧвтас гӧпъяс вылӧ синсӧ —
Кодзув сера паськӧдчасны посъяс.
Кӧсъяс муртса петкӧдлыны вынсӧ —
Паськыд туйӧн вӧрыс-ваыс воссяс.

Тшӧтш и сылысь виччысям тай локтӧм,
Быттьӧ ыджыд, нэмӧвӧйя праздник:
Сійӧ олӧм югыдлунсӧ октӧ, —
Мича гажлӧн гӧрӧд чукӧр разьсьӧ.