* * *

Авъя тулыслысь шоныд бордъяссӧ
Бара видлала аслам киясӧн.
Олӧм гажӧдысь дона ёртъясӧс
Бара казьтыла мелі кывъясӧн.

Югыд синъясас визув олӧмлы
Йӧзкӧд ӧтвылысь сюся видзӧдла.
Майкӧд быдлаӧ кӧсъя волыны —
Паськыд му вывсӧ медым мичмӧдны.

Самолёт вылӧ талун сӧла ме,
Лэба — кузь туйсӧ ог и казявлы.
Гажсӧ тулыслысь босьта сьӧлӧмӧ,
Йӧзкӧд ӧтвылысь кута гажъявны.

Майыс тэрмасьӧ, менӧ тэрмӧдлӧ,
Тувсов шондісӧ зэв водз садьмӧдӧ —
Мусӧ сюсьджыка быттьӧ бергӧдлӧ,
Олӧм-вылӧмсӧ йӧзлысь ладмӧдӧ.