ЙӦКТӦМ

Уна трактор быд колхозын ӧні эм.
Сӧмын налӧн зыкыс кок шыӧс оз вен.
Кылас, локтас татчӧ менам тракторист.
Сійӧ некор менӧ вунӧдны оз лысьт.

Эй, пӧдруженька, эн жалит ассьыд кок!
Кок шытӧ кӧ оз кыв, мусукыд оз лок.
Али менсьым трактористӧс мырддян тэ?
Сідз кӧ вӧчан, кута ёрны тэнӧ ме.

Аслым мусукӧс ме бӧрйыны эг куж.
Чайті: мусукасьӧм абу колан удж.
Ой, пӧдруженька, эн мырддьы менсьым шуд,
Менам мусукӧйлысь сьӧлӧмсӧ эн кут.

Уна трактор быд колхозын ӧні эм.
Сӧмын налӧн зыкыс кок шыӧс оз вен.
Кылас, локтас татчӧ менам тракторист.
Сійӧ некор менӧ вунӧдны оз лысьт.