ЗОН ДА ДЗОРИДЗ

Кӧть и муса зонлы дзоридз,
Кӧть и вайлывлӧ букет,
Кӧть и сьӧлӧм абу чорыд,
Мулы эжмыны оз сет.

Тувсов гӧра-кӧдза дырйи
Оз и лӧньлы трактор гор.
Кӧть нин норма кык пӧв тыри —
Зонлы век на абу сёр.

Арын ветлӧ муяс дорті,
Ассьыс радлунсӧ оз дзеб.
Настроенньӧсӧ оз портит
Дженьыд уска шобді шеп.

Ныв оз лӧгась, кӧть оз сюр сэсь
Дзик ни ӧти василёк.
Ныв оз гажтӧмчы, кӧть юрсӧ
Оз кут мичмӧдны венок.