ПАРТИЗАН

Тан гартчис турӧб лун и вой,
И ывла вылын морт эз ветлы.
Сьӧд вӧрсянь кыліс чорыд бой...
А вӧрысь тӧлын некыдз петны.

Тэ пищаль помысь воши тшын,
Патронъяс зепъясысь эн аддзы.
Кӧть збойлуныд и сетіс вын,
Но регыд воши тэнад садьыд.

Эз кокав кырныш тэнсьыд син,
Эз пуля писькӧд ыджыд сьӧлӧм,
Эз косяв яйтӧ кӧин пинь,
Тэ воин юкмӧс дорӧ тӧлын.

Тэн тӧдса вӧлі джуджыд йир,
Тэ враглы сетчыны эн кӧсйы.
Бандит эз вунӧд тыштӧ дыр
И тэнӧ виӧмӧн эз ошйысь.

Эз кут ён кӧртӧд тэнсьыд ки,
И воськов тэнад вӧлі зумыд.
Палач эз удит шуны кыв,
Кыдз аслыс ваӧ лои сунны.

Дерт сійӧ ӧтнасӧн эз вӧв,
И ловтӧ ассьыд сэні воштін.
И бара гартчис бушков тӧв,
Тэ тӧвлы туй ас ловнад восьтін.

Тэ вӧлін славнӧй партизан,
Тэ вӧлін вына коми пиӧн.
Тэ вечнӧ микӧд лоан тан,
И сьӧлӧмнымӧс ӧзтан биӧн.