ШОНДІЫСЬ ЮГЫД

Ленинлӧн нимыс оз вунлывлы миян,
Ленинлысь нимсӧ быд морт ӧні тӧдӧ.
Знамяыс Ленинлӧн вына бур киын,
Уджалысь войтырлы шуд сійӧ сетӧ.

Туйдӧдӧ, нуӧдӧ Ленин,
Велӧдӧ лӧсьӧдны олӧм.
Сыкӧд став сьӧкыдлун венам
И коммунизмӧ ми воам.

Русскӧй, украинеч, коми, тотарин —
Ленинӧс ӧтмоза нимтӧны батьӧн;
Ӧтвылысь казьтӧны. Сиктын, кӧть карын
Шуӧны сьӧлӧмсянь зэв ыджыд аттьӧ.

Ленинлӧн партия ӧтув
Аслас народыскӧд олӧ.
Сыкӧд став сьӧкыдлун венам
И коммунизмӧ ми воам.

Шонді оз кӧдзав, оз кус ни оз пемды;
Делӧыс Ленинлӧн шондіысь югыд.
Врагъяслы миянӧс некор не венны,
Олӧмлысь мунӧмсӧ некод оз дугӧд.

Туйдӧдӧ, нуӧдӧ Ленин,
Велӧдӧ лӧсьӧдны олӧм.
Сыкӧд став сьӧкыдлун венам
И коммунизмӧ ми воам.

Миянкӧд ӧтвылысь уна народъяс,
Миянкӧд ӧтвылысь уна странаяс.
Воысь во ёнмӧны миян збой бордъяс,
Биясӧн тырӧны вӧръяс и ваяс.

Ленинлӧн партия ӧтув
Аслас народыскӧд олӧ.
Сыкӧд став сьӧкыдлун венам
И коммунизмӧ ми воам.