МЫЙЛА, МЫЙЛА

Мыйла, мыйла татшӧм мича,
Мыйла татшӧм мелі ныв?
Мыйла нюмда, ки кӧ мыччас?
Мыйла шогся, оз кӧ сьыв?

Сійӧ дум вылын век,
Кӧть и пельк пила чеп
Чушкӧ пилитӧ кер,
Кӧть и войтырӧн тырӧма вӧр.

Ог тӧд, мыйла сытӧг овны
Меным талун сям оз сюр?
Мыйла орччӧн кокньыд ловлы,
Зумыд воськов, вылын юр?

Менам дженьдаммӧ лун,
Оз кӧ ме дорысь мун
Муса ныв, мелі ныв,
Кӧть оз нюмъяв, кӧть сійӧ оз сьыв.

Мыйла радейта ме сійӧс?
Мыйла сытӧг пемдӧ вӧр?
Уджлӧн горыс, уджлӧн шыыс
Сыкӧд мелі, сытӧг скӧр.

Сійӧ дум вылын век,
Кӧть и пельк пила чеп
Чушкӧ пилитӧ кер,
Кӧть и тырӧма войтырӧн вӧр.