МУСА НЫВ

Вӧлі лӧнь, шоныд гожся вой,
Визув ю кузя кывтіс пур.
Горза: «Йӧткасьны лок, муса чой!
Матын сибдӧг».
			Тэ кыпӧдін юр.

Пожӧм йӧв ру кодь паляліс ун,
Маысь чӧскыдджык помассис вӧт.
Эн шу, чеччин да: «Абу на лун».
Эн шу: «Унмысь ме эг на пӧт».

Зібла пур вомӧн котӧртін тэ.
Аддзи: чеччыштін паськалӧм кост.
Вуні юбкалӧн векньыдлун...
						Ме
Сӧтка ас вылӧ: «Чӧрт менӧ босьт!»

Тэнад пур костӧ саяліс юр,
Йизис сьӧлӧмын менам том вир.
Дерт, эг думышт, мый кутны он сюр,
Да и кад эз вӧв думайтны дыр.

Ӧтчыд чеччышті — тэ дорын ме.
Сьӧлӧм морӧсысь муртса оз пет...
Вирын би — сэтшӧм рад лои.
						Тэ
Кыптін, серӧктін.
			«Сералан век», —

Шуа тэн; ачым нюмъяла тшӧтш...
Зібйӧн йӧткасим сибдӧгысь...
						Вой
Сійӧ коли, но уна во чӧж
Тэ он вун, муса ныв — шуӧм чой.