ОЛАМ-ВЫЛАМ

Ми олам да вылам,
Ми гажӧдчам, сьылам —
Роч ныв-зонкӧд коми ныв-зон.
Мед котӧртӧ кӧр,
Мед шыалӧ вӧр,
Мед лӧсталӧ нефть да из шом!

Сыктыв ю,
Эжва ю,
И Печора ю — Волгалӧн чойяс.
Роч бур вок,
Татчӧ лок —
Сыктывкарын зэв югыдӧсь войяс.

Ми лӧсьӧдам олӧм,
Кыдз шуд миян корӧ,
Ми ӧтвылысь мичмӧдам удж.
Важ шуштӧм лёк шог
Бӧр некор оз лок —
Вын миянӧс венны оз судз!

Сыктыв ю,
Эжва ю,
И Печора ю — Волгалӧн чойяс.
Роч бур вок,
Татчӧ лок —
Сыктывкарын зэв югыдӧсь войяс.

Кор сьӧлӧмыд вына,
Да ёртыд кӧ дінад,
Сэк ышмӧдӧ, гажӧдӧ лун.
Оз кыпӧдчы бус,
И радлун оз кус,
Ён дружба дзик некор оз вун.

Сыктыв ю,
Эжва ю,
И Печора ю — Волгалӧн чойяс.
Роч бур вок,
Татчӧ лок —
Сыктывкарын зэв югыдӧсь войяс.