ИЧӦТИК КОСМОНАВТ

Гартчӧ, гартчӧ кӧнкӧ улын
Кельыдлӧзов шарыс мулӧн,
А ме лэба вой и лун —
Вуні шойччӧм, вуні ун.

Менам ичӧтик корабльын
Космонавтлы абу лёк.
Ӧтув кодзувъяскӧд радла,
Быттьӧ налӧн ичӧт вок.

Енэжвывса паськыд ывла —
Помтӧм-дортӧм вӧльнӧй свет.
Кӧні увлань, кӧні вывлань,
Бура видзӧдтӧг ог тӧд.

Муса кельыдлӧзов муӧй,
Эн жӧ ёна вевттьысь руӧн,
Эн жӧ вунӧд ассьыд питӧ,
Мыччы меным вына китӧ,
Татысь лэччан туйсӧ восьт,
Аслад морӧс вылад босьт.