МЫРПОММырпом вотны лӧсьыд, Мырпом вотны бур. Кытшовтлан он ӧтчыд Мӧдлапӧвса нюр. Пидзӧсӧдзыд нитшкыс, Кос шӧрӧдзыд вутш, Зыбучьясысь видзчысь — Веськыда он вудж! Вывсянь шонді личкӧ, Увсянь йӧткӧ ва. Мырпом тусьыс мича, Чӧскыд, быттьӧ ма. Быдса кузов нуан, Ӧдва кыскан кок. Аслыд сэсся шуан: «Мӧдысь ог нин лок». Сӧмын ставыс вежсьӧ, Вой кӧть абу кузь: Шонді петны вӧрзьӧ — Он нин бара узь; Мӧдлапӧлӧ вуджан, Корсян ыджыд нюр; Ветлан-мунан мудзмӧн — Мырпом оз-ӧ сюр?
